सुनसरी र उदयपुरबाट लागुऔषध सहित ५ जना पक्राउ
विराटनगर, साउन ३० गते । सुनसरी र उदयपुरबाट लागुऔषध सहित ५ जनालाई प्रहरीले पक्राउ गरेको छ ।
हिजो सुनसरीको कोशी गाउँपालिका-१ स्थितमा इलाका प्रहरी कार्यालय लौकहीबाट खटिएको प्रहरी टोलीले चेकजाँच गर्दा लिम्चुङबुङ गाउँपालिकाकी २० बर्षीया राजमिका राईको साथबाट १ ग्राम ब्राउन सुगर फेला पारी पक्राउ गरेसँगै ईटहरी उप-महानगरपालिका-१७ का २० बर्षीय अब्बास मिया र २८ बर्षीय मो.सफरुद्दीनलाई समेत नियन्त्रणमा लिएको हो ।
त्यसैगरी प्रहरी चौकी भगलपुर उदयपुरबाट खटिएको प्रहरी टोलीले प्रदेश २-०१-००३ प ७०७० नम्बरको मोटरसाईकलबाट लुकाई छिपाई ल्याउदै गरेको ८ किलोग्राम गाँजा बरामद गरेसगै मोटरसाईकल चालक बेलका नगरपालिका-९ का २४ बर्षीय प्रबिन राई र मोटरसाईकलमा पछाडी सवार बेलका -७ का २१ बर्षीय रोशन राईलाई बेलका -१ बाट पक्राउ गरेको हो ।
लागुऔषध सहित पक्राउ परेका उनिहरुको सम्बन्धमा थप अनुसन्धान भईरहेको छ ।
