उदयपुरको कटारीबाट गाँजा सहित ३ जना पक्राउ
उदयपुर, साउन १ गते । उदयपुरको कटारी नगरपालिका-७ रिस्कुबाट ४९ किलोग्राम गाँजा सहित ३ जनालाई प्रहरीले पक्राउ गरेको छ ।
पक्राउ पर्नेहरुमा उदयपुरको ताप्ली गाँपालिका-१ बाहुनीटारका ३१ बर्षीय शम्भु राई, १८ बर्षीय आषिश भुजेल र अर्का एकजना बालक रहेका छन् ।
जिल्ला प्रहरी कार्यालय उदयपुरबाट गस्तिमा खटिएको प्रहरी टोलीले तीनै जनाले बोकेर ल्याउदै गरेको अवस्थामा उक्त परिमाणको लागुऔषध गाँजा फेला पारी बरामद गरेको हो ।
गाँजा सहित पक्राउ परेका उनिहरको जिल्ला प्रहरी कार्यालय उदयपुरबाट थप अनुसन्धान भईरहेको छ ।
