सुनसरीको दुई स्थानमा सवारी दुर्घटनाबाट २ जनाको मृत्यु
सुनसरी, साउन ०३ गते । सुनसरीको दुई स्थानमा सवारी दुर्घटना हुँदा २ जनाको मृत्यु भएको छ ।
हिजो अपरान्ह धरान-१३ स्थित कोशी लोकमार्गमा भेडेटार तर्फ जादै गरेको प्रदेश १-०२-००२ख ०१६० नम्वरको ट्रकमा बिपरित दिशाबाट आउदै गरेको प्रदेश १-०२-०४८प ४९२४ नम्वरको मोटरसाईकल ठक्कर लागि दुर्घटना हुँदा मोटरसाईकल चालक धरान-२० का १७ बर्षीय समर्पण राई घाईते भई उपचारको लागि स्थानिय बिजयपुर अस्पताल लगिएकोमा अस्पताल पुर्याउना साथ उनको मृत्यु भएको थियो ।
यसै गरी सोही दिन बेलुका हरिनगर गाउँपालिका-२ स्थित हुलाकी राजमार्गमा BR38X8247 नम्बरको मोटरसाईकलले ठक्कर दिंदा घाईते भएकी पैदल यात्री हरिनगर-१ की ५० बर्षीया दुखनी देवी दासको उपचारको क्रममा गोल्डेन अस्पताल बिराटनगरमा मृत्यु भएको हो ।
दुर्घटनामा संलग्न ट्रक चालक झापा कमल गाउँपालिका-१ का प्रेम बहादुर न्यौपाने र मोटरसाईकल चालक भारत अररियाका सुरज दासलाई प्रहरीले नियन्त्रणमा लिई घटना सम्वन्धमा थप अनुसन्धान गरिरहेको छ ।
