ब्राउनसुगर सहित इटहरीका दुई युवक पक्राउ
इटहरी : लागूऔषधसहित इटहरीका दुई युवक पक्राउ परेका छन् ।
इलाका प्रहरी कार्यालय दुहबीले इटहरी उपमहानगरपालिका ४ का ३८ वर्षीय हेमनारायण यादव र इटहरी ३ का २९ वर्षीय विजय लिम्बुलाई लागूऔषधसहित पक्राउ गरेको हो ।
उनीहरूको साथबाट स्पास्मो प्रोक्सिभोन १२० चक्की र १६ ग्राम ५०० मिलिग्राम ब्राउनसुगर बरामद गरिएको कोशी प्रदेश प्रहरी कार्यालय विराटनगरले जनाएको छ ।
विराटनगरबाट दुहबीतर्फ आउँदै गरेको को १८ प २२१ नम्बरको मोटरसाइकलमा सवार रहेका उनीहरूलाई विशेष सूचनाको आधारमा पक्राउ गरिएको हो ।
पक्राउ परेकाहरूमाथि थप अनुसन्धान भइरहेको प्रहरीले जनाएको छ ।-टाकुरा न्यूज
